پاکستان او بهارت په فوري جنګ بندۍ رضا شوي، امريکې صدر ډونلډټرمپ دواړو ملکونو ته اومبارکي ورکړې ، امريکائي صدر وئيلي چې پاکستان او بهارت د امريکې په ثالثۍ کښې سيز فائر ته تيار شوي ،بلخوا نائب وزيراعظم اسحاق ډار هم دواړو ملکونو ترمينځ د جنګ بندۍ تصديق کړېدې ۔
د امريکې صدر خپل يو بيان کښې وئيلي دي چې د اوږدو خبرو اترو وروستو امريکې په ثالثې کښې دواړو ملکونو په مکمله توګه جنګ په بندۍ اتفاق کړې،ټرمپ په فيصله د پاکستان او بهارت شکريه ادا کړې ۔
ډونلډ ټرمپ اووئيل چې امريکې دواړو ملکونو سره ټوله شپه خبرې اتري کړېدي او دغه ثالثې لوجې پاکستان او بهارت فوري او په مکمله توګه په جنګ بندۍ اتفاق کړېدې ۔
ډونلډ ټرمپ اووئيل چې دواړو ملکونو ته اومبارکي ورکوم، پاکستان او هند هوش مندې او دانشمندۍ مظاهره کړېده، په فيصلې د پاکستان او بهارت شکريه ادا کوم ۔
بلخوا د پاکستان نائب وزيراعظم او وزير خارجه اسحاق ډار تصديق کړې چې پاکستان او بهارت فوري ډز بندۍ باندي اتفاق کړېدې ۔
نائب وزيراعظم وئيلي چې مازيګر څلور نيمو بجو نه دواړو ملکونو په فوري جنګ بندۍ عمل درآمد شروع کړېدې ۔
هغه اووئيل چې پاکستان هميشه منطقه کښې د امن او سلامتيا لپاره کوششونه کړې، ولې د امن او سلامتيا کوششونو کښې پاکستان چرې هم خپلواکۍ او ملکي سلامتيا باندې سمجهوته نۀ ده کړې ۔
