کابل: نائب وزيراعظم او خارجه وزير اسحاق ډار وئيلي دي چې افغانستان سره مذاکراتو کښې څلور اصولي فيصلې شوي،دواړه ملکونه به يو بل خلاف خپلې زمکې استعمالولو اجازت نۀ ورکوي ، ټريک اينډ ټريس سسټم سره به دواړو ملکونو ته فائدې ميلاويږي ،پاکستان او افغانستان ترمينځ تجارت ته نوره وده ورکول ډير ضروري دي ، اسحاق ډار دا هم وئيلي چې دواړو ملکونه به ترهه ګرو خلاف په شريکه سختې کاروائيانې کوي او دا چې افغان مهاجرين به عزت سره واپس خپل وطن ته ليږلې شي ،دا زمونږ قامي او مذهبي فريضه ده ۔
د افغانستان سرښار کابل کښې خبري غونډې ته وينا کښې خارجه وزير اسحاق ډار وئيلي چې د افغان مهاجرينو جائيدا اخستو په حواله هيڅ سرکاري حکم نۀ دې جاري شوې، افغانستان ته واپس تلونکي افغانان په پاکستان کښې خپل جائيداد خرڅولې شي ۔
وزير خارجه اووئيل چې د افغانانوجائيداد خرڅولو حوالې سره شکايتونو لپاره کميټي جوړه شوې، دواړو ملکونو ترمينځ تجارت په معامله کميټي جوړه کړې شويده ۔
اسحاق ډار مطابق د سامان نقل وحرکت په معامله افغان حکومت وئيلي چې د سامان ترسيل لپاره يو کميټي کافي نۀ ده ، دې وجې نه دې معاملې لپاره به اوس نورې کميټيانې هم جوړولې شي ۔
د نائب وزيراعظم وينا وه چې افغانستان به هيچا ته خپله زمکه د ترهه ګرۍ لپاره د استعمال اجازت نۀ ورکوي ،او نۀ به پاکستان خپله زمکه د افغانستان يا د بل ملک خلاف استعماليدو اجازت ورکوي ۔
اسحاق ډار په بهترين ميزبانۍ د افغان حکومت شکريه ادا کړې او وئيلي دي چې ټريک اينډ ټريس سسټم سره به دواړو ملکونو ته فائدې ميلاويږي ،پاکستان او افغانستان ترمينځ تجارت ته نوره وده ورکول ډير ضروري دي ۔
هغه مخکښې اووئيل چې د منطقې ترقۍ، بهتري او امن و امان لپاره به دواړو ملکونو ته په شريکه کار کول وي ،دواړو ملکونو ترمينځ تجارت ته وده ورکولو لپاره د وفود په سطح تبادله ضروري ده ۔
