کابل کښې د پاکستان او افغانستان جوائنټ کوآرډينيشن کميټۍ غونډه شوې چې پکښې دواړو هيوادونو د اعتماد ماحول پيدا کولو او مهمو مسئلې په فوري توګه حل کولو باندې زور راوړې دې ۔
کابل کښې شوې غونډه کښې د پاکستان وفد مشرۍ خصوصي استازې محمد صادق او د افغانستان وفد مشري بهرونو چارو وزير امير خان متقي کړې وه ۔
افغان بهرونو چارو وزارت وئيلي چې غونډه کښې په موجوده صورتحال تفصيلي خبرې شوي ، د پاکستان او افغانستان د اړيکو پشمول په خصوصي توګه د افغان کډوالو په معامله خبرې شويدي ۔
په دې موقع امير خان متقي ټولې کشالۍ د خبرو اترو د لارې په حل کولو زور راوړې دې ، هغه زياته کړې چې داسې ټول ګامونو اوچتولو او بيانونو ورکولو نه ډډه پکار ده کوم چې د اولس ناراضګۍ او جذباتو راپارولو سبب ګرځي ۔
د پاکستان خصوصي استازي صادق خان وئيلي چې دواړو هيوادونو ترمينځ تاريخي اړيکې موجود دي ، دې باندې غور پکار دے چې مسائل څنګه حل کول پکار دي ۔
