سيکيورټي فورسز بلوچستان کښې په جعفر ايکسپريس حمله کونکو ترهه ګرو خلاف آپريشن مکمل کړېدې، ډي جي آئي ايس پي آر وائي چې آپريشن کښې آرمي، ايئرفورس، ايف سي او ايس ايس جي برخه اخستې ده ۔
د پاک فوج ترجمان اووئيل چې آپريشن دوران په موقع موجود ټول دري ديرش ترهه ګر وژلي شوي، آپريشن نه وړاندې د ترهه ډزو کښې يويشت مسافر شهيدان شويدي، شهيد شوي کسانو کښې د ايف سي څلور ځوانان هم شامل دي، يرغمال کړې شوي ټول مسافر مرحله وار بازياب کړې شويدي ۔
ډي جي آئي ايس پي آر ليفټننټ جنرل احمد شريف چودهري اووئيل چې په يوؤلسم مارچ د ورځې يوه بجے ترهه ګرو د بولان پاک اوسي پور سيمه کښې ريلوے ټريک چاؤدنې سره الوزولې وو، چرته چې جعفر ايکسپريس راتلو، په دغه ټرين کښې څلور سوه څلويښت مسافر سوارۀ وو ۔
ډي جي آئي ايس پي آر مطابق ترهه ګرو وړومبې يرغمالي مسافر د انساني شيلډ په توګه استمعال کړل، چې پکښې زنانه او ماشومان هم شامل وو، د هغوي بازيابۍ لپاره په فوري توګه آپريشن شروع کړې شوې وو ۔
هغه اووئيل چې يرغمال کړې شوي ټول مسافر مرحله وار بازياب کړې شويدي، ترهه ګر آپريشن دوران افغانستان کښې خپل سهولت کارانو او ماسټر مائنډ سره د سيټلائټ فون د لارې په رابطه کښې وو ۔
ډي جي آئي ايس پي آر دا هم وئيلي چې سيکيورټي فورسز کليئرنس آپريشن کښې ډير احتياط کړې، آپريشن کښې يو مسافر ته هم نقصان نه دې رسېدلې ۔
د پاک فوج ترجمان زياته کړې چې ترهه ګرو يرغمال مسافر درې ډلو کښې محدود کړي وو، د ترهه ګرو دين اسلام سره هيڅ تعلق نيشته ، چا ته به د عام خلقو په نښه کولو اجازت ورنکړو ۔
