د صدر مملکت منظورۍ نه پس د قانون او انصاف وفاقي وزارت د څلور هائيکورټس د مستقل چيف جسټسز تعيناتۍ نوټي فکيشن جاري کړېدې، جسټس عتيق شاه د پيښور هائيکورټ چيف جسټس مقرر کړې شويدې ۔
اسلام آباد: د وزارت قانون و انصاف له لوري جاري نوټي فکيشن مطابق جسټس عتيق شاه د پيښور هائيکورټ مستقل چيف جسټس مقرر کړې شوې دې ۔
نوټي فکيشن ترمخه جسټس روزي خان د بلوچستان هائيکورټ او جسټس سردار سرفراز ډوګر د اسلام آباد هائيکورټ مستقل چيف جسټس تعينات کړې شويدې ۔
نوټي فکيشن کښې وئيلي شوي چې جسټس جنيد غفار د سندھ هائيکورټ مستقل چيف جسټس په توګه منظوري ورکړې شوې ده ۔
د چيف جسټس پاکستان جسټس يحيیٰ آفريدي مشرۍ کښې جوډېشل کميشن آف پاکستان د دغه ججانو سفارش کړې وو او بيا پارليماني کميټۍ نه پس صدر مملکت د دغه ججانو حتمي منظوري ورکړې وه، د کومې چې اوس وزارت قانون لخوا نوټي فکيشن جاري شوې دې ۔
