اسلام آباد کښې خبرى غونډې ته خطاب په وخت د داخله چارو وزير مملکت طلال چودهرى اووئيل که چرې ترهه ګرو ته مو ځائې نه وو ورکړې نو نن به حالات داسې نه وو او هيڅ قسمه آپريشن نه کيږى او نه د آپريشن خبره شوې،وزيراعلى خېبرپښتونخوا د قامى سلامتيا غونډې متعلق کنفيوژن پيدا کوي ۔
وزير مملکت برائے داخله وينا ده چې خېبرپښتونخوا ته اته سوه اربه روپې ورکړې شوى خو اته اربه روپې هم نه دى لګولې شوى او چا سره چې په لاس کښې وسله وى هغوي سره خبرې نه کيږي ۔
طلال چودهرى اووئيل چې وزيراعلى على امين ګنډاپورکه د ترهه ګرو خلاف نشي اودريدې نو د هغوي ملګرې دې هم نه جوړيږي ۔
هغه زياته کړې چې بانى پى ټى آئى د انټيلى جنس ادارو ناکامې خبرې کوى پخپله خو ئې يوې هفتې نه پس د جعفرايکسپريس پېښې مذمت اوکړو ۔
طلال چودهرى وائى چې خېبرپښتونخوا کښې د چا ناکامى ده ،دوى ديارلس کاله حکومت کړې او پنځه نوي فېصده د ترهه ګرې پېښې بلوچستان او خېبرپښتونخوا کښې کيږي ۔
