د نيوزي لينډ ماؤنټ مونګانوئي ګراؤنډ کښې لوبيدلې د پنځه ميچونو سيريزڅلورم ميچ کښې پاکستان ټاس ګټلې وو او کوربه ټيم ته ئې اول د بيټنګ بلنه ورکړې وه ۔
نيوزي لينډ په مقرره شل اوورز کښې دوه سوه شل رنز جوړ کړي وو ، چې پکښې فن ايلن پنځوست، ټم سيفرټ څلور څلويښت، مائيکل بريسويل شپږ څلويښت،او ډيرل مچل نهه ويشت رنز جوړ کړي وو ۔
پاکستان لخوا حارث رؤف درې ، ابرار احمد دوه او عباس آفريدي يو وکټ په خپل نوم کړې وه ۔
د نيوزي لينډ دوه سوه يويشت رنز هدف په جواب کښې د پاکستان ټول ټيم په اوولسم اوور کښې په يوسل پنځه رنز باندې آؤټ شوې او ميچ سره سره سيريز ئې هم بيللې دې ۔
پاکستان لخوا عبدالصمد څلور څلويښت او عرفان خان څليريشت رنز جوړولو سره ټول نه زيات رنز جوړ کړې وو، محمد حارث دوه، خوشدل شاه او شاهين شاه آفريدي شپږ، شپږ، حسن نواز، سلمان علي آغا او عباس آفريدي يو، يو رن باندې آؤټ شوي وو ۔
د نيوزي لينډ جيکب ډفي څلور اور زکارے فولکس درې وکټې په خپل نوم کړې وې ،شاندار پنځوس رنز جوړولو باندې فن ايلن د ميچ بهترين لوبغاړې ګرځولې شويدې ۔
دې ميچ ګټلو سره کوربه ټيم نيوزي لينډ د پنځه ميچونو سيريز کښې درې يو سره فيصله کن برتري ترلاسه کړيده، دواړو ټيمونو ترمينځ پنځم اورت آخري ميچ به په شپږ ويشتم مارچ باندې لوبيږي، دې نه پس به بيا ون ډے سيريز شروع کيږي ۔
