نيوزي لينډ او پاکستان ترمينځ د ون ډے سيريز وړومبي ميچ کښې پاکستاني کپتان محمد رضوان د ټاس ګټلو نه پس نيوزي لينډ ته د بيټنګ دعوت ورکړې وو ۔
د نيوزي لينډ نيپئر ښار ګراؤنډ کښې لوبيدلې د ون ډے سيريز اولني ميچ کښې کوربه ټيم اول بيټنګ کړې وو او مقرره اوورونو کښې ئې نهه وکټو په زيان درې سوه څلور څلويښت رنز جوړ کړې وو ۔
پاکستان د مقرره هدف په تعاقب پنځه څلويښتم اوور کښې په دوه سوي يو اوويا رنز آؤټ شوې، او ميچ ئې بيللې دې،چې ورسره نيوزي لينډ ته سيريز کښې يو صفر سره برتري ترلاسه شويده ۔
نيوزي لينډ لخوا مارک چيپمين يوسل دوه ديرش ، ډيرل مچل شپږ اوويا او پاکستاني نژاد جارحانه بېټر محمد عباس شپږ ويشت بالوز باندې دوه پنځوس رنز جوړ کړي وو ۔
پاکستان طرف نه عرفان خان درې، حارث رؤف او عاکف جاويد دوه، دوه ، نسيم شاه او محمد علي يو، يو وکټ په خپل نوم کړې وه ۔
د درې سوه پنځه څلويښت رنز هدف په جواب کښې د پاکستان ټول ټيم په پينځه څلويښتم اوور کښې په دوه سوه يو اوويا رنز آوټ شوې او ميچ ئې بيللې دې ۔
پاکستان طرف نه ټولو نه زيات بابر اعظم اتۀ اوويا ،عثمان خان نهه ديرش او عبدالله شفيق اتۀ ديرش رنز جوړ کړي وو، د پاکستان يو بيټر هم اوږد اننګز لوبولو کښې کامياب شوې نۀ دې ۔
شاندار بيټنګ کولو باندې مارک چيپمين د ميچ بهترين لوبغاړې ګرځولې شويدې، دواړو ټيمونو ترمينځ دوئم ون ډے ميچ به په دوئم اپريل هملټن ګراؤنډ کښې لوبيږي ۔
