قامي اسمبلې کښې د بهارتي اقداماتو خلاف مذمتي قرارداد په متفقه توګه منظور شوېدې، قرارداد کښې وئيلي شوي چې پاکستان هر قسمه ترهه ګرۍ غندنه کوي، پاکستان د پهلګام پيښې وروستو د هند لخوا لګولي شوي الزامات رد کوي، د پاکستان اوبۀ اودرول به اعلانِ جنګ وي، پاکستان به چرې هم خپلې خپلواکۍ باندې سمجهوته نۀ کوي ۔
اسلام آباد: د قامی اسمبلۍ اجلاس سپيکر سردار اياز صادق په مشرۍ کښي شوېچې پکښې وزير قانون اعظم نذير تارړ تحریک پيش کړو چې قومي اسمبلۍ کښې دې پينځمې مئې نه اتمې مئي پوری د معمول ايجنډا معطل کړې شي ۔
اعظم نذير تارړ اووئيل چې موجوده صورتحال باندې خصوصي بحث به کولې شي،دا وخت ټول سياسي جماعتونه په يو پيچ دی او ملک سره ولاړ دي ۔
ايوان کښې د مخالفو ډلو مشر عمر ايوب خپل خطاب کښې اووئيل که چرې بهارت د جنګ کوشش اوکړو نو بهارت ته به سخت جواب ورکولې شي، دا وخت مونږ سياسي اختلافات وروستو پريږدو او دشمن لپاره ټول قوم د پاک فوج په شا کلک ولاړ دې ۔
قامي اسمبلۍ کښې د بهارتي اقداماتو خلاف مذمتي قرارداد په متفقه توګه منظور کړې شوې، قرارداد وفاقي وزير پارليماني امور طارق فضل چودهري وړاندې کړې ۔
قرارداد کښې وئيلي شوي چې پاکستان هر قسمه ترهه ګرۍ غندنه کوي، پاکستان د پهلګام پيښې وروستو د هند لخوا لګولي شوي الزامات رد کوي، د پاکستان اوبۀ اودرول به اعلانِ جنګ وي ۔
قرارداد مطابق پاکستان په خپله خودمختارۍ باندې څه قسمه سمجهوته نۀ کوي ،قرار داد کښې وئيلي شوي چې پاکستان به د کشميريانو اخلاقي،سیاسي او سفارتي حمایت جاری ساتي ۔
قرارداد کښې وئيلي شوي چې بهارت د پاکستان پشمول مختلف ملکونو کښې دهشت ګردۍ د پيښو ذمه وار دې،اجلاس نه مخکښې سپيکر اياز صادق اووئيل چې بهارت طرف نه په پاکستان د بے بنياده الزاماتو افسوس دې ،هاؤس ايډوائزري ګميټۍ موجوده صورتحال باندې د بحث فيصله کړې او قواعد و ضوابط معطل کړې شویدي، پاک بهارت کشيدګۍ باندې به غور او بحث کيږي ۔
