اسلام آباد: د قامي اسمبلۍ سپيکر اياز صادق په مشرۍ کښې د قامي سلامتيا په اړه د پارليماني کمېټۍ د بندې کمرې غونډې لپاره د پارليمنټ هاؤس دننه او بهر سخت امنيتي ګامونه پورته کړې شوي ۔
وزيراعظم شهبازشريف غونډې ته خپل ابتدائي خطاب کښې په خېبرپښتونخوااو بلوچستان کښې په امنيتي صورتحال اندېښنه څرګنده كړه ۔
هغه اووئيل چې ټول اولس دترهه ګرۍ خلاف جنګ کښې متحد دي او ترهه ګرۍ ته به په هر صورت ماتې ورکولې شي، ښه به وې چې د اپوزيشن مشرانو هم په دې مهمه غونډه کښې برخه اخستې وې ۔
وزيراعظم اوويئل چې دترهه ګرۍ په ضد جنګ کښې امنيتي ځواکونه قربانۍ ورکوي، زه د امنيتي ځواکونو قربانۍ ته خراج تحسين وړاندې کوم ۔
د قامي سلامتيا کميټۍ په غونډه کښې د پاک فوج سرلښکر جنرل سيد عاصم منير او ډي جي ملټري آپريشن د کميټۍ ګډونوالو ته تفيصلي بريفنګ ورکړې، آرمي چيف 50 منټ او ډي جي ملټري آپريشنز 30 منټ بريفنګ ورکړو۔
د قامي اسمبلۍ سپيكر سردار اياز صادق په ابتدائي خبرو کښې اووئيل چې د نننۍ غونډې ټولو شركانو ته هرکلې کوم هېواد چې كوم حالات سره مخ دې هغه اتحاد او اتفاق غواړي ۔
اياز صادق اووئيل چې د افسوس خبره ده چې اپوزيشن په نننۍ غونډه کښې ګډون نه دې کړې، مونږ هم دوي ته بلنه ورکړې وه او که دوي هم ګډون کړې وې نو ډېره به ښۀ خبره وه ۔
