وسطي کرمه کښې په چنارک پوليس چيک پوسټ ترهه ګرو حمله کړې، ډي پي او وائي چې حمله ناکامه کړې شوې، د پوليسو جوابي کاروائي کښې څلور ترهه ګر وژلي شوي او شپږ ژوبل شوي، ولې ترهه ګرو سره ډزو تبادله کښې دوه پوليس ځوانان شهيدان شويدي ۔
د کرمې ضلعي پوليس افسر وئيلي دي چې وسطي کرمه کښې چنارک پوليس چيک پوسټ باندې د ترهه ګرو حمله ناکامه کړې شوېده ۔
د پوليسو جوابي کاروائي کښې څلور ترهه ګر وژلي شوي او نور شپږ ژوبل شويدي، د ترهه ګرو سره ډزو تبادله کښې دوه پوليس ځوانان هم شهيدان شوي دي ۔
مقامي سرچينې وائي چې ترهه ګرو د چنارک تهانړے چيک پوسټ سوزولې دې، ترهه ګرو او پوليس ترمينځ د ډزو تبادله څو ګهنټو پورې جاري وه ۔
ډي پي او کرم مخکښې وئيلي چې پوليس علاقه په ولقه کښې اخستې او لټوني عمليات ئي پيل کړېدي ۔
بلخوا داخله وزير محسن نقوي د پوليس په چيک پوسټ حمله ناکامه کولو او حمله کونکي وژلو باندې د پوليس اهلکارانو د صلاحيتونو ستائنه کړې، او پحق رسيدلي اهلکارانو ته ئې خراج تحسين وړاندې کړېدې ۔
