پيښور: د خېبر پښتونخوا ګورنر فيصل کريم کنډي د خېبر نيټ ورک پيښور سينټر دوره کړيده، د دورې پرمهال د خېبر نيټ ورک کارکنانو د ګورنر تود هرکلې کړے د خيبر پښتونخوا ګورنر دخېبرنيټ ورک هلو ځلو او خدماتو ستائينه هم کړيده ۔
دورې پر مهال ګورنر خيبر پښتونخوا فيصل کريم کنډي خېبر نيوز سره خصوصي خبرې کړي او وئيلي دي چې مائینز اینډ منرلز ایکټ مې کتلې نۀ دې خو که چرې دا ايکټ د صوبې خلاف وي نو نۀ دې پاس کیدل پکار ۔
هغه مخکښې اووئيل چې پکار ده چې د حکومت ټولې پارټۍ يو ځائې کښېني او اوګوري چې دې ايکټ کښې صوبې د پاره څه فائده ده يا څه نقصان دې ۔
ګورنر خېبرپښتونخؤا اووئيل که صوبې د پاره دې ايکټ کښې فائده وي نو پکار ده چې په شريکه دا ايکټ پاس کړي،خبره دا ده چې دا حکومت کله نه راغلې دوي هر څيز بلډوز کول غواړي ۔
او سي ايم يو اچها بچه دې، چې اسلام آباد نه ورته کوم ټاسک ميلاويږي هغه پورا کوي، نوکري هم کول دي کنه ۔
ګورنر اووئيل چې اوس مې اوريدلي چې سي ايم خپلو اراکينو لپاره يو، يو ارب رپورې منلي چې دا ايکټ پاس کړې ځکه چې زما نوکري بيا ځي ۔
د يوې پښتنې په جواب کښې فيصل کريم کنډي اووئيل چې د حکومت خلاف د تحريک شروع کولو په اړه پخپل اعلان باندې کلک ولاړ يم، د همايون خان سیکرټري جنرل جوړیدو سره به پارټي ښۀ شي ۔
