سيکيورټي فورسز د خېبر پښتونخوا مختلفو سيمو کښې درې مختلفې کاروائيانې کړي، چې پکښې پينځلس ترهه ګر وژلي شوي، وسله والو سره انښته کښې د پاک فوج دوه ځوانان هم شهيدان شويدي ۔
آئي ايس پي آر له لوري جاري بيان کښې وئيلي شوي چې سيکيورټي فورسز ضلع کرک کښې د ترهه ګرو د موجودګۍ په خفيه اطلاع آپريشن کړېدې، دې آپريشن کښې اتۀ ترهه ګر وژلي شويدي ۔
آئي ايس پي آر وئيلي چې سيکيورټي فورسز دوئمه کاروائي شمالي وزيرستان کښې کړې ، په دې کاروائۍ کښې څلور ترهه ګر خپل انجام ته رسولې شويدي ۔
آئي ايس پي آر مخکښې وئيلي چې ترهه ګرو سره انښتې دوران سختو ډزو په تبادله کښې دوه ځوانان هم شهيدان شويدي، شهيد شوي ځوانانو کښې لانس لائيک عثمان مهمند او سپاهي عمران خان شامل دي ۔
آئي ايس پي آر زياته کړې چې درئمه کاروائي د جنوبي وزيرستان ګومل زام سيمه کښې شوې چې پکښې درې وسله وال وژل شويدي، وژلي شوؤ ترهه ګرو ولقې نه وسله او ګوله بارود برآمد شويدي، دغه وژلي شوي ترهه ګر د تخريب کارۍ په يو شمير کاروائيانو کښې ککړ وو ۔
آئي ايس پي آر دا هم وئيلي چې په علاقه کښې د نورو ترهه ګرو موجودګۍ لکبله کليئرنس آپريشن روان دې، سيکيورټي فورسز ملک نه د ترهه ګرۍ لعنت خاتمے لپاره پرعزم دي او بهادر سپاهيانو دغه قربانۍ زمونږ عزم نور مضبوطوي ۔
