وزیراعلیٰ خېبر پښتونخوا علي امین ګنډاپور وئیلي چې په کاټلنګ کښې د ترهه ګرو خلاف د آپریشن پر مهال د عامو وګړو مړينه د غندنې او د افسوس وړ پېښه ده ۔
وزیراعلیٰ اووئيل چې په دې سیمه کښې دې نه وړاندې هم د ترهه ګرو خلاف آپریشنز ترسره شوې وو، چې پکښې محسن باقر او عباس پشان خطرناک ترهه ګر وژلي شوي وو ۔
وزیراعلیٰ علی امین ګنډاپور اووئيل چې د عامو وګړو د شهادت د افسوسناکې پېښې هر اړخیزه تحقیقات به کولې شي چې د پيښې صحيح پته اولګي ۔
هغۀ اووئيل چې ،د پلټنې رپورټ تر راتګ وروسته به صوبايي حکومت د پېښې په اړه خپل دریځ وړاندې کوی،صوبايي حکومت د شهیدانو له کورنیو سره غم شريک دې ۔
علي امين ګنډاپور اووئيل چې مونږ خپله خواخوږي او د همدردۍ څرګندونی وړاندې کوو،صوبايي حکومت به د شهیدانو کورنۍ یوازې نه پرېږدي او هغوي ته به هر رنګ ممکنه مرسته ورکوي ۔
وزیراعلیٰ علي امين ګنډاپور زياته کړې چې صوبايي حکومت او د صوبې اولس د ترهه ګرو د ختمولو لپاره پوره عزم دي ۔
