د خېبر پښتونخوا پوليس شهدا پيکج، او رسک الاؤنس کښې اضافه شوې، اعلاميې مطابق د کانسټيبل رسک الاؤنس اووه زره څلور سوه روپې نه يوؤلس زره څلور سوه روپې ته رسيدلې، هيډ کانسټيبل ته به دولس زره اوو سوه روپې ورکولې شي، اے ايس آئي ته پنځلس زره اووه سوه،سب انسپکټر ته به شپاړس زره درې سوه روپې ميلاويږي ۔
پشاور: د خېبر پښتونخوا محکمه خزانے لخوا جاري اعلاميې ترمخه د کانسټيبل نه انسپکټر پورې يونيفارمډ پوليس اهلکارانو رسک الاؤنس کښې اضافه کړې شوېده ۔
کانسټيبل ته به اوس يوؤلس زره څلور سوه روپې رسک الاؤنس ميلاويږي، هيډ کانسټيبل ته به دولس زره اوو سوه روپې ورکولې شي، اے ايس آئي ته به پنځلس زره اووه سوه، سب انسپکټر ته به شپاړس زره درې سوه روپې ميلاويږي، انسپکټرته به دولس زره په ځائے اوولس زره درې سوه ورکولې شي ۔
د شهدا پيکج لاندې د شهيد پوليس اهلکار لواحقينو پيکجز کښې لس، لس لکه روپې اضافه شوې ،د شهيد کانسټيبل او هيډ کانسټيبل پيکج يو کروړ لس لکه کړې شوېدې، ډي ايس پي او اے ايس رينک شهيد ورثاؤ ته به يو کروړ شپيته لکه روپې پيکج ميلاويږي ۔
ايس ايس پي ، ايس پي، اے آئي جي شهيد پيکج دوه کروړه لس لکه روپې دې، ډي آئي جي پي، آئي جي شهيد پيکج دوه کروړه ديرش لکه روپې دې، شهيد کانسټيبل لواحقينو ته به پنځه مرلے پلاټ، اے ايس آئي او ايس آئي ورثا ته به اووه مرلے پلاټ ورکولې شي ۔
اعلاميه کښې وئيلي شوي چې شهيد ډي ايس پي او اے ايس پي خپلوانو ته به لس مرلے، ايس ايس پي او اعلیٰ شهيد افسرانو لواحقينو ته به يو کنال پلاټ ورکولې شي ۔
