سه فريقي ټي ټوينټي سيريز کښې پاکستان شاندار آغاز کړې او اولني ميچ کښې ئې زمبابوے ته په پنځه وکټو شکست ورکړېدې، د ميلمه ټيم يو سل اتۀ څلويښت رنز هدف قامي ټيم پنځه وکټو په زيان پورا کړې او ميچ ئې ګټلې دې، فخر زمان شاندار څلورڅلويښت، عثمان خان اووۀ ديرش اومحمد نواز رنز جوړ کړې او ميچ ګټلو کښې ئې اهم کردار ادا کړېدې ۔
پاکستان کښې د قامي ټيم، سري لنکا او زمبابوے باندې مشتمل سه فريقي ټي ټوينټي سيريز اولنۍ ميچ پنډۍ سټيډيم کښې لوبيدلې ،چرته چې قامي ټيم ټاس ګټلې وو او پخپله ئې د فيلډنګ فيصله کړې وه ۔
زمبابوے مقرره شل اوورز کښې اتۀ وکټو په زيان يو سل، اووۀ څلويښت رنز جوړ کړي دي، ميلمه ټيم لخوا ټولو نه زيات برائن بي نټ نهه څلويښت او سکندر رضا څلور رنز جوړ کړېدي ۔
پاکستان طرف نه محمد نواز دوه، شاهين شاه آفريدي، سلمان مرزا، صائم ايوب او ابرار احمد يو، يو وکټ په خپل نوم کړېده ۔
قامي ټيم مقرره هدف پنځه وکټو په زيان آخري اوور کښې پورا کړې او ميچ ئې ګټلې دې ۔
پاکستان طرف نه اولنۍ څلور وکټو صرف په څلور پنځوس رنز پريوتې وې ، چې پکښې صاحبزاده فرحان شپاړس، صائم ايوب دوه ويشت، بابراعظم صفر او سلمان آغا په يو رن آؤټ شوې وو ۔
دې نه پس بيا فخر زمان ، عثمان خان او محمد نواز ذمه دارۍ سره بيټنګ کړې او ميچ ګټه کښې ئې اهم کردار لوبولې دې ۔
فخرزمان په څلور څلويښت رنز آؤټ شوې وو، عثمان خان په اووۀ ديرش او محمد نواز په شل رنز ناټ آؤټ پاتي شوي وو ۔
دوه وکټې اخستو او جارحانه يويشت رنز جوړولو باندې محمد نواز د ميچ بهترين لوبغاړې ګرځولې شويدې ۔
