د قامي ټيم پخواني آل راؤنډر شعيب ملک کورودانې ثنا جاويد وئيلي دي چې زۀ خپل خاوند هيچا ته نشم ورکولې، په دې بيان باندې يو ځل بيا په سوشل ميډيا په ثنا جاويد سختې نيوکې شوي ۔
تفصېلاتو مطابق ثنا جاويد په سوشل ميډيا دبئي کښې شعيب ملک سره خپل تصويران شيئر کړې، او ليکلي دي چې زۀ خپل خاوند هيچا ته نشم ورکولې ۔
د ثنا جاويد دغه بيان په انسټاګرام تيزې سره شيئر شوې، د ثنا جاويد د تصويرانو شيئر کولو ويب پاڼې انسټاګرام باندې نهه ملين فالورز دي ۔
د ثنا جاويد دغه بيان نه پس خلقو په هغې سختې نيوکې کړې، عمير قاضي نومې کس خپل کمنټ کښې اوليکل چې هغه ته د دوي تصويران پکار دي ۔
دغه کمنټ باندې ثنا جاويد اوليکل چې هغه خپل خاوند هيچا ته نشي ورکولې، يو صارف وئيلي چې هغه( ثنا جاويد ) صرف د نورو زنانؤ نه خاوند اخستې شي ۔
ثنا جاويد ته دغه بيان ګران پريوتې او هغې خلاف په سوشل ميډېا ټرولنګ شروع شوې دې ۔
يو کس خپل کمنټ کښې ليکلي چې دا( شعيب ملک) ستا خاوند نۀ دې، بلکه دا تا د بلې زنانه ( ثانيه مرزا) نه اخستې دې ۔
ياده دې وي چې شعيب ملک دې نه وړاندې بهارتي ټينس سټار ثانيه مرزا او ثنا جاويد سندرغاړي عمير جيسوال سره وادۀ کړې وو ۔
