د ملک سماجي ترقۍ او پائيدار امن لپاره هلې حلې کونکې غير منافع بخش تنظيم خودمختار ساوي د سوري لاندې ”مکالمه، ،ترقي او جامع قيادت په ذريعه د سخت دريزۍ خاتمې“ په عنوان خېبر نيټ ورک آډيټوريم اسلام آباد کښې يو اهم سيمينار شوې ، د سيمينار مقصد سيکيورټي، سفارت کاري، اکيډميا، ميډيا او ترقۍ مختلفو شعبو کښې اهم شخصيات يو فليټ فارم باندې را جمع کولو او پاکستان کښې امن ، يووالې او برداشت ته وده ورکول وو ۔
د سيمنار آغاز: ۔
د تقريب آغاز د قرآن پاک د تلاوت څخه شوې وو، او بيا د خودمختار ساوي صد مځترمه مريم کيوان خپل ابتدائي کلمات ادا کړي وو، هغوي د تنظيم د امن او ترقۍ فروغ ، ځوانانو شموليت او پائيدار اقداماتو باندې رڼا اچولې وه ۔
اولنې سيشن : ۔
ماډريټر مبارک علي (چيف ايډيټر خېبر نيوز )
په دې سيشن کښې مقررينو د غربت،معاشي پسماندګي او عدم مساوات د سخت دريزۍ وجوهاټ ګرځولې او ترقي ئې يو اهم جُز ګرځولې دې ۔
د مقررينو خيالات: ۔
احسان غني (د آئي بي پخوانې ډي جي ، او د نيکټا پخوانې نيشنل کوآرډينيټر) اووئيل چې ترقي به د ترهه ګرۍ مخنيوي حکمت عملۍ لازمي جزو جوړول وي ، تعليم ،روزګار او بنيادي سهولتونه نه بغير سخت دريزي ختمول ممکن نۀ دي ۔
سید ابرار حسین ( د افغانستان پخوانې سفير ) د علاقائي تعاؤن او ګاونډي هيوادونو سره جامع سفارتکارۍ په اهميت زور راوړې چې مشترکه امن يقيني کړې شي ۔
ډاکټر عرفان محسود (پروفیسر، این ډي یو) معاشرتي ناانصافۍ او سياسي محرومۍ د سخت دريزۍ بنياد ګرځولې۔ هغوي د کميونټي په سطح شراکت دارۍ او ترقياتي اقداماتو باندې هم زور راوړې ۔
ډاکټر شبانه د زنانؤ او ماشومانو باندې د سخت دريزۍ نقسياتي اثرات په ډاګه کړي او د زنانؤ نمائندګي او دې لړ کښې پاليسو په ضرورت ئې زور راوړې دې ۔
دې نه پس سيمينار کښې موجود کسانو ته د سوالونو کولو دعوت ورکړې شوې وو چې پکښې يو شمير اهم نکاتو او پاليسو باندې کولاؤ خبرې شويدي ۔
د چائے وقفه:
اولني سيشن نه پس د چائے لپاره وقفه اوکړې شوه چرته چې د سيمينار ميلمنو او شرکا يو بل سره خبرې اترې اوکړې ۔
دوئم سيشن:
دې سيشن کښې د ميډيا کردار ،مؤثر پيغام رسانۍ او سوشل ميډيا باندې سيوا شوې سخت دريزۍ سوچ خلاف اقداماتو باندې خبرې شوي ۔
د معززينو د خيالاتو اظهار:
کيوان حامد راجه( سي اي او خېبرډيجيټل ، ايګزيکټيو ډائريکټر خېبر نيټ ورک) د علاقائي ژبو بيانيه او ډيجيټل سپيس د سخت دريزه عناصر نه واپس اخستو په اهميت باندې زور راوړي دې ۔
ډاکټر شفقات منير احمد ( ايس ډي پي آئي )د ميډيا او تحقيقي ادارو ترمينځ تعاؤن باندې زور راوړي چې دې سره ثبوت باندې مبني بيانئے ته وده ميلاؤ شي ۔
حسن خان (سینئر خبريال، خېبر نیوز) اووئيل چې سنسني خيز خبرونو نه ډډه کول او حقائق باندې مبني رپورټنګ د ميډېا اصل ذمه واري ده،هغوي د پرامن کميونټۍ آواز اوچتولو اپيل هم کړې ۔
فهد ملک ( ډيجيټل ميډيا ماهر، باني ممکن فاؤنډيشن) سوشل ميډيا باندې د سخت دريزۍ سيوا شوې رجحانات د افسوس وړ ګرځولي ،هغوي ډيجيټل حکمت عملي ،ځوانانو شموليت او مؤثر آن لائن مواد تيارۍ باندې زور راوړي ۔
د دوئم سيشن ختميدو نه پس د سوال و جواب سيشن تابيا هم شوې وه، د سيمينار ګډونوالو د ميډېا آزاد او ډيجيټل ميډيا حوالې سره سوالونه پورته کړي وو ۔
د دستورې اختتام:
د دواړو سيشنز په ختميدو پينلسټس ته يادګار شيلډز پيش کړې شوي وو ۔
محترمه مريم کيوان د سيمينار آخره کښې د ګډون والو، مقررينو، ماډريټرز او ټولو معاونينو شکريه ادا کړې ، هغوي د خودمختار ساوي د مشن جاري ساتلو عزم هم کړې او او وئيلي دي چې ترقي،مکالمې او جامع قيئادت په ذريعه د سخت دريزې خلاف يوه مؤثر بيانيه تشکيل کولې کيږي ۔
دا سيمينار پاکستان کښې د سخت دريزۍ خاتمې لپاره مختلفې شعبې يو پليټ فارم باندې جمع کول يو کامياب کوشش ثابت شوې ، د مقررينو دلائل باندې مبني خيالاتو او مشترکه اقداماتو باندې اتفاق سره دا خبره ثابت شوې چې مکالمه،ميډيا او ترقي د امن حقيقي لار ده ۔
