دپاکستاني اوپنر حسن نواز شاندار بيټنګ او سنچري، دريم ټي ټوئنټي ميچ کښې قامي ټيم نيوزي لينډ له په نهه وکټو شکست ورکړې او سيريز کښې ئې شاندار کم بيک کړېدې ۔
آکلينډ ګراونډ کښې لوبيدلې ميچ کښې پاکستان ټاس ګټلې وو او کوربه ټيم ته ئې د بيټنګ دعوت ورکړې وو، نيوزي لينډ ميچ ګټې لپاره پاکستان له د دوه سوه پنځه رنز هدف ورکړې وو، کوم چې پاکستان په يو وکټ پورا کړې او ميچ ئې ګټلې دې ۔
نيوزي لينډ طرف نه مارک چيپ مين څلور نوي او مچل بريس ويل يو ديرش رنز جوړ کړي وو، پاکستان طرف نه حارث رؤف درې ، شاهين شاه آفريدي ،ابرار احمد او عباس آفريدي دوه دوه وکټي اخستې وې ۔
د 205 رنز هدف قامي ټيم شپاړس اوورونو کښې يو وکټ په زيان پورا کړې او سيريز کښې ئې شاندار کم بيک کړېدې ، پاکستان زبردست کم بيک کړے او د سيريز په دريم ټي ټوئنټي ميچ کښې ئې نيوزي لينډ ته په نهه وکټو ماتې ورکړيدې ۔
جواب کښې پاکستاني آرډر دښه کارکردګي مظاهره کړې ،پاکستان طرف نه حسن نواز په څلور څلويښت بالونو شاندار يو سل پنځه سکور کړي ، اوپنر محمد حارث په يو څلويښت رنز آوټ شوې وو ،کپتان سلمان علي آغا هم غوره بيټنګ کړے ، په يوديرش بال ئې يو پنځوس رنز سکور کړې پينځه ټي ټوئنټي ميچونو سيريز کښې نيوزي لينډ دوه او پاکستان يو ميچ ګټلې ۔
شاندار او جارځانه سنچري جوړولو باندې ځسن نواز د ميچ بهترين لوبغاړې ګرځولې شويدې ،د سيريز څلور ميچ به دري ويشتم مارچ باندې لوبيږې ۔
