آئي ايس پي آر مطابق آرمي چيف جنرل سيد عاصم منير د يوم کشمير په موقع د مظفر آباد دوره کړيده، په دي موقع ورتهته کشمير کښې چيلنجنګ آپريشنل تياريانو باندې تفصيلي بريفنګ ورکړے شويدې ۔
جنرل عاصم منير د تعينات افسرانو او ځوانانو غير متزلزل لګن، پيشه ورانه مهارت او جنګي تياريانو تعريف کړے، او د هغوي حوصلے ئې ستائيلي دي ۔
آئي ايس پي آر وئيلي چې آرمي چيف د اشتعال انګيزۍ مخنيوې او د مقابلے لپاره اعلیٰ آپريشنل تياريانو برقرار ساتلو اهميت باندې زور راوړې دې ۔
سرلښکر عاصم منير وئيلي دي چې بهارتي ظلمونه د کشميريانو حوصلے نشي کمزوري کولې، او د هرقسمه جارحيت به بهرپور جواب ورکولې شې،وائي چې دې کښې هيڅ شک نيشته چې کشمير به يو ورځ آزاديږي او د کشمري اولس مرضۍ مطابق به د پاکستان برخه جوړيږي ۔
آرمي چيف مخکښې وئيلي چې کشمير آزادۍ لپاره مو درې جنګونه کړې او که ضرورت شو نو لس جنګونه به نور هم کوؤ، کشمير اول هم د پاکستان حصه وه، اوس هم ده او بيا به هم وي ۔
آرمي چيف مظفرآباد کښې شهيدانو ته خراج عقيدت پيش کړے او په يادګار شهدا ئې ګلدسته هم ايښودې ده ۔
