د خارجه دفتر ترجماني ممتاز زهرا بلوچ وئيلي دي چې خارجه پاليسي براه راست د وفاقي حکومت سبجيکټ دې،وفاقي حکومت چې کومه پاليسي جوړوي، خارجه وزارت په دغه پاليسۍ عمل کوي ۔
د خېبر پښتونخوا وزيراعلیٰ ګنډاپور ته په اشاره د خارجه دفتر ترجماني وئيلي که څوک دې حوالې سره خپل تجاويز ورکول غواړې نو مرکزي حکومت ته دې ورکړي، بياد مرکزي حکومت اختيار دې چې دغه تجاويز د پالسيۍ برخه جوړ کړي ۔
ترجماني يو وارې بيا د افغان عبوري حکومت نه د پاکستان مخالف ګروپونو خلاف کاروائۍ مطالبه کړېده ۔
اسلام آباد کښې جاري د شنګهائي تعاؤن تنظيم رکن ملکونو تجارت وزيرانو اجلاس په اړه ترجماني اووئيل چې وزيراعظم شهبازشريف بهارتي وزيراعظم پشمول د تنظيم ټولو ملکونو سربراهان ته دعوت نامې ليږلې دي،ولې تردې دمه بهارت په اجلاس کښې د ګډون کولو تصديق نۀ دې کړې ۔
جنوبي ايشيا لپاره د امريکې نائب سيکريټري ډونلډ لو بنګله ديش او بهارت دورې په اړه ممتاز زهرا بلوچ اووئيل چې د پاکستان او امريکې ترمينځ مختلف سطح باندې خبرې اترې کيږي ،د ډونلد لو پاکستان نۀ کولو په اړۀ د امريکې چارواکي ښه جواب ورکولې شي ۔
امريکه کښې نيولې شوې پاکستانې وګړې آصف مرچنټ په حواله د خارجه دفتر ترجماني وئيلي چې دې لړ کښې مونږ له هيڅ تفصيلات نۀ دي فراهم کړې شوي ۔
د متحده قامونو جنرل اسمبلۍ اجلاس په حواله شوې پښتنې په د خارجه دفتر ترجمانې اووئيل چې دا يو ډهر مهم ايونټ دې،دې کښې د پاکستاني وفد شرکت په اړه به ميډيا خبرولې شي ۔
