اسلام آباد کښې يوې دستورې ته خطاب دوران وزيراعظم شهباز شريف وئيلي دي چې حکومت د معيشت بهترۍ لپاره شپه ورځ کار کوي، سرمايه کارۍ په لار کښې موجود روکاوټونه هم ختموي، ملکي برآمدات او ترسيلات زر کښې اضافه روانه ده،او ډير زر به ملکي معيشت په خپلو خپو اودريږي ۔
وزيراعظم اووئيل چې تر څو بجلۍ نرخ کم شوي نه وي،نو تر هغې پورې ملک ترقي نشي کولې، او راتلونکي څو مياشتو کښې به د بجلۍ قيمتونو کښې واضحه کمې راشي ۔
شهبازشريف وينا وه که زما وس رسيدے نو د ټيکس شرح به مې پنځلس فيصد ته راکمه کړې وه، ولې مونږ د آئي ايم ايف نه مجبوره يو او وس مو نۀ رسي ۔
وزيراعظم زياته کړې چې حکومت اخراجات کموي، پي ډبليو ډي محکمه کښې لوئې کرپشن روان وو، کوم چې حکومت بنده کړه، دغه شان پي آئي اے به هم د شفاف نيلامي عمل په ذريعه نجي شعبې ته ورکولې شي ۔
