ټول ملک کښې وړوکې اختر مذهبي جوش او جذبي سره نمانځلې شي، دملک لويو واړو جوماتونو کښې د اختر د مونځونو اجتماعات شويدي چې پکښې د ملک سلامتيا او استحکام لپاره خصوصي دعاګانې غوښتې شويدي ۔
د ملک مختلفو ښارونو کښې د اختر مونځ په جماعتونو او عيدګاه کښې ادا کړې شوې چې پکښې په لکونو خلقو شرکت کړېدې ۔
خلقو يو بل ته د وړوکي اختر اومبارکې ورکړي، د ملک او په خصوصې ترګه د خېبرپښتونخوا او بلوچستان سلامتيا لپاره خصوصي دعاګاني غوښتې شويدي ۔
د اسلام آباد فيصل مسجد، لاهور بادشاهي مسجد، کراچۍ پولو ګراؤنډ، پيښور، مردان او د خېبرپښتونخؤا نورو ښارونو پشمول د ملک لوئې وړو ښارونو کښې د وړوکي اختر د مونځ لوئې لوئې اجتماعات شويدي ۔
د اختر مونځ نه پس د ملک سلامتيا ، خوشحالۍ او امن و امان لپاره خصوصې دعاګانې غوښتې شويدي ۔په دې موقع د امت مسلمه، او په خاصه توګه د فلسطين مظلوم اولس لپاره هم خصوصې دعاګانې شوي ۔
صدر مملکت آصف زرداري نواب شاه، وزيراعظم شهبازشريف لاهور ماډل ټاؤن، پخواني وزيراعظم نوازشريف ،وزير اطلاعات عطا الله تارړ لاهور، بلال بهټو لاړکانه،وزيراعلیٰ علي امين ګنډاپور ډي آئي خان، چيئرمين پي ټي آئي آبائي علاقه بونير کښې د اختر مونځ ادا کړېدې ۔
