اسلام آباد: وزيراعظم شهبازشريف مشرۍ کښې مشترکه مفادات کونسل په سندهـ کښې د نوې نهرونوجوړولو منصوبې ختمولو منظوري ورکړېده ۔
د مشترکه مفادات کونسل اجلاس نه پس جاري شوې اعلاميه کښې وئيلي شوي چې کونسل پهلګام حملې نه پس د بهارت يکطرفه ،غير قانوني او غير ذمه دارانه اقدامات په سختو ټکو کښې غندنه کړېده ،بهارتي جارحيت او مس ايډونچر په تناظر کښې د ملک او قام يووالي او اتحاد پيغام ورکړې شويدې ۔
مشترکه مفادات کونسل په اعلاميه کښې وئيلي شوي چې پاکستان يو ذمه دار او پرامن ملک دې،خپله دفاع کولو باندې مونږ ډير ښۀ پوهيږو، څلور واړو وزرائے وزيراعلیٰ د بهارت اقداماتو خلاف د وفاقي حکومت سره اودريدو عزم کړېدې ۔
اعلاميې ترمخه ټولو صوبو سره به په شريکه ټول پاکستان کښې د زرعي پاليسۍ او واټر مينجمنټ انفراسټرکچر ودې لپاره يو اعوږد مهاله اتفاق لپاره تګ لاره جوړيږي ۔
د ټولو صوبو انديښنې لرې کولو او او د پاکستان غذائي او ماحولياتي سلامتيا يقيني کولو لپاره به وفاق او ټولې صوبې نمائندګۍ سره يو کميټي جوړولې شي،دا کميټي به اتفاق رائے او دستاويزاتو مطابق د ملک اوږد مهاله زرعي تقاضو او د ټولو صوبو د اوبو د استعمال د حل لپاره تجاويز ورکوي ۔
د سي سي آئي اعلاميه کښې مخکښي وئيلي شوي چې اوبۀ يو ډير قيمتي څيز دې، او دا خبره آئين جوړونکو هم تسليم کړيده ،هغوي د اوبو شخړې باهمي اتفاق رائے سره او ټول متعلقه چارواکو ترمنځ مناسب غور او فکر په ذريعه حل کولو مينډيټ ورکړېدې ۔
کونسل د ارسا د نهرونو اوباسلو په اړه د اوولسمې جنورۍ کال دوه زره څليريشتم کيدونکي اجلاس نه پس جاري کړې شوې واټر ايوايليبلټي واپس اخستو هدايت هم کړېدې ۔
کونسل پلاننګ ډويژن ته هدايت کړې چې هغه د قامي يو والي په مفاد کښې ټول سټيک هولډرز سره په شريکه مشاورت يقين کړي او شريک اتفاق نه پس دې ټولې انديښنې لرې کړي ۔
