د جسټس امين الدين مشرۍ کښې د سپريم کورټ اووه کسيزه آئيني بنچ کښې د سويلين ټرائل فيصلې خلاف دائر اپيلونو باندې سماعت سبا پورې ملتوي شويدې ۔
سماعت دوران د دفاع وزارت وکيل خواجه حارث عدالت ته اووئيل چې يو سويلين فوجي تنصيباتو ته نقصان اورسوي او يا ټينک پټ کړ، نو د آرمي ايکټ اطلاق پرې کيږي ۔
جسټس جمال مندوخيل خپل ريمارکس کښې اووئيل چې مجرمانه عمل کولو باندې ايف آئي آر درج کيږي،ولې دلته سوال د ټرائل دې، جسټس حسن اظهر رضوي اووئيل چې کله هم څوک ګرفتار شي نو هغه متعلقه مجسټريټ ته پيش کول لازمي دي ۔
جسټس جمال مندوخيل خپل اووئيل چې عدالت ته صرف دا کتل دي چې ټرائل د آئين مطابق دې او کنه ، ترهه ګرۍ باندې قابو موندل د پارليمان کار دې، د عدالت نه، کۀ په دې مو سوچ شروع کړو چې عدالتي فيصلې سره به ترهه ګري ختميږي او ياسيوا کيږي ، نو بيا به عدالت فيصله اونکړې شي ۔
