وزير اعظم شهباز شريف وئيلي دي چې د صوبو ترمينځ اتفاق رائے د پاکستان مضبوطولو بنياد دې ، د بلوچستان ترقي د پاکستان خوشحالۍ سره تړلې شويده، ملکي ترقۍ کښې به د خپلې برخې کردار لوبوو، مونږ ټولو نه اول پاکستانيان يو، او بيا مو د صوبو سره تعلق دې ۔
اسلام آباد کښې بلوچستان ورکشاپ ته د خطاب په وخت وزير اعظم شهباز شريف وئيلي چې تير وخت کښې بلوچستان ته پام لرنه نۀ وه شوي ، اوس د خود احتسابۍ وخت دې ، بلوچستان د قدرتي وسيلو نه ډکه صوبه ده ، دغه وسيلې د اولس په کار رواستو لپاره هلي ځلې کوؤ ۔
وزير اعظم اووئيل چې پنجاب کال دوه زره لسم اين ايف سي مد کښې لويه قرباني ورکړې ، د پاکستان خوشحالۍ لپاره د صوبو ترمينځه اتفاق رائے ضروري ده ۔
د وزيراعظم وينا وه چې کراچۍ نه تر چمن پورې شاهراه باندې د خلقو قيمتي ژوند ضائع کيږي، مونږ غواړو چې دا خونړې سړک د امن روډ کښې بدل کړو، درې نيم سوه ارب روپۍ لګښت سره به دغه سړک دوه طرفي سړک جوړولو فيصله شوې ده ۔
وزيراعظم شهبازشريف اووئيل چې اتحاد، مينه او عزم سره بلوچستان نه تر پيښور پورې ترقي ممکن ده، د بلوچستان خلق زمونږ وروڼه دي، دوي به ملکي ترقۍ کېښ شاملول وي ۔
وزيراعظم مخکښې اووئيل چې د پاکستان ټولې صوبې يو خاندان دې، امن، اتحاد او ورورولي د ملکي ترقې ضمانت دې ۔
هغۀ زياته کړې چې مونږ ته به لوظ کول وي چې ملکي ترقۍ کښې به د خپلې برخې کردار لوبوو، مونږ ټولو نه اول پاکستانيان يو، او بيا مو د صوبو سره تعلق دې ۔
وزيراعظم شهبازشريف پښتنۀ کړې چې هغه کوم وجوهات دې چې لوجې ئې بيا ملک کښې بدامني پيدا شويده؟ محبت، ورورولي او يقين سره به په شريکه اوسيدل وي ، هم داسې به پاکستان بيا يو عظيم ملک جوړېږي ۔
