اسلام آباد: ترجمان دفترخارجه شفقت علي خان وئيلي دي چې خېبرپښتونخواه لخوا د افغان حکومت سره مذاکراتو لپاره په ټي او آرز باندې به غور کوؤلې شي، پاکستان هميشه په سخت وخت کښې د خپل افغان ورونړو سره ولاړ دې، خپل سرحدونو آزاد او محفوظ جوړول زمونږ پاليسي ده ۔
هفته وار ميډيا بريفنګ پر مهال د خارجه دفتر ترجمان شفقت علي خان اووئيل چې افغانستان سره ښه تعلقات غواړو خو د ملک پولې آزاد او محفوظ جوړول قامي پاليسي ده په دې هيڅ سمجهوته نشو کولې ۔
شفقت علي خان اووئيل چې د غيرقانوني افغانانو انخلا عمل به جاري وي ،افغان حکومت سره مذاکراتو په حواله د خېبرپښتونخوا حکومت د ټي او آرز معامله چيک کوؤ خو خارجه پاليسي د وفاق معامله ده ۔
ترجمان د امريکې لخوا ټيرف نفاذ باندې په باقاعده توګه ردعمل راغلې او وئيلي دي چې د ټيرف معامله مو نوټ کړې، دې حوالې سره غور روان دې ۔
ترجمان وائي چې امريکه کښې د تعليمي ويزو معطلۍ اطلاعات دي، په دې معامله باندې د امريکې حکومت سره رابطه کښې يو ۔
هغۀ اووئيل چې سعودي عرب لخوا په څوارلس ملکونو د ويزو معطلۍ رپورټونه مو کتلي دي، د متحده عرب امارات لخوا پاکستاني ويزو باندې مکمل بنديز نيشته ۔
ترجمان زياتوي چې د خېبرپښتونخواه حکومت لخوا د افغانستان سره مذاکراتو په اړه به د ټي او آر معاملې جائزه اخيستې شي، پاکستان هميشه مشکل وخت کښې د افغان ورونړو سره ولاړ دې ۔
