کراچۍ کښې لوبيدلې ميچ کښې جنوبي افريقې ټاس ګټلو نه پس پخپله بيټنګ کړې وو ، او مقرره اوورونو کښې ئې شپږ وکټو په زيان درې سوه پنځلس رنز جوړ کړي وو ۔
جنوبي افريقې طرف نه ريان ريکلټن شاندار يو سل درې او کپتان باوومه اته پنځوس رنز جوړ کړي وو، وين ډر ډسن او ايډن مارکرم دوه پنځوس، دوه پنځوس رنز باندې آؤټ شوي وو ۔
افغانستان طرف نه محمد نبي دوه، فضل حق فاروقي، عظمت الله او نور احمد يو، يو وکټ په خپل نوم کړې وې ۔
د مقرره هدف په تعاقب کښې د افغانستان ټول ټيم څلور څلويښتم اوور کښې په دوه سوه اته رنز آؤټ شوې او په يوسل اووه رنز ئې ميچ بيللې دې ۔
افغانستان طرف نه ټولو نه زيات رحمت شاه نوي، عظمت الله او راشد خان اتلس، اتلس او ابراهيم زدران اوولس رنز جوړ کړي وو ۔
جنوبي افريقې طرف نه کګيسو رباده درې، لنګي نيګيډي او ويان مولډر دوه، دوه، مارکو جينسن او کيشف مهاراج يو، يو وکټ په خپل نوم کړېدي ۔
ميچ کښې شاندار يوسل درې رنز جوړولو باندې ريان ريکلټن ته د بهترين لوبغاړې انعام ورکړې شويدې ۔
