دبئي کښې لوبيدلې د چيمپيئنز ټرافي اولني سيمي فائنل ميچ کښې آسټريليا ټاس ګټلې وو او پخپله ئې اول د بيټنګ فيصله کړې وه ۔
د آسټريليا ټول ټيم آخري اوور کښې دوه سوه څلور شپيته رنز باندې آؤټ شوې وو، چې پکښې ټولو نه زيات سټيون سمتهـ دري اوويا او ايلکس کيري يو شپيته رنز جوړ کړي وو ،بهارت طرف نه محمد شامي درې، وارون چکراورتي او روندرا جديجا دوه، دوه وکټې په خپل نوم کړې وې ۔
بهارتي ټيم مقرره هدف نهه څلويښتم اوور کښې شپږ وکټو په زيان پورا کړې او ميچ ګټلو سره ئې د ميګا ايوينټ فائنل ته هم کواليفائي کړېده ۔
بهارت طرف نه ويرات کوهلي شاندار څلور اتيا، شري ياس پنځه څلويښت او کے ايل راهول دوه څلويښت رنز جوړ کړي وو، آسټريليا لخوا نيتهن ايليس او ايډم زمپا دوه، دوه وکټې په خپل نوم کړې وې ۔
شاندار بيټنګ او فيلډنګ باندې ويرات کوهلي د ميچ بهترين لوبغاړې ګرځولې شويدې،د ټورنامنټ دوئم سيمي فائنل به د شورور په ورځ لاهور کښې د نيوزي لينډ او جنوبي افريقې ترمينځ لوبيږي ۔
