دبئی: د آئي سي سي چيمپئنز ټرافۍ دلچسپ مقابلېپاکستان او دبئي کښې جاري دي، د ميګا ايونټ دوئم ميچ کښې بهارت په شپږ وکټو بنګله ديش ته ماتې ورکړې ، د بنګله ديش د 229 رنز هدف بهارت څلور وکټو په زيان اووه څلويښتم اوور کښې پورا کړې او ميچ ئې ګټلې دې ۔
بنګله ديش ټاس ګټلو نه پس پخپله د بيټنګ فيصله کړې وه، کومه چې غلطه ثابت شوې، ټول ټيم آخري اوور کښې 228 رنز بنادې آؤټ شوې، چې پکښې ټولو نه زيات توحيد ردوئے 100 اور ذاکر علي 68 رنز جوړ کړي وو ۔
بهارت طرف نه محمد شامي شاندار باولنګ کړې او پنځه وکټې ئې اخستې وې، هرشت رانا درې او ايکسر پټيل دوه وکټې په خپل نوم کړې وې ۔
د 229 رنز هدف بهارت په اووه څلويښتم اوور کښې څلور وکټو په زيان پورا کړې چې پکښې ټولو نه زيات شبمين ګِل يو سل يو رنز باندې ناټ آؤت پاتې شوې ،کپتان روهت شرما 41 او ويرات کوهلي په 22 رنز آؤټ شوي وو، کے ايل راهول 41 رنز باندې ناټ آؤټ پاتې شوې وو ۔
بنګله ديش طرف نه راشد حسين دوه، تسکين احمد او مستفيض الرحمان يو، يو وکټ په خپل نوم کړې وه ،شبمين ګِل ته په شاندار سنچرۍ د ميچ بهترين لوبغاړي انعام ورکړې شويدې ۔
