کوئټه: د ليويز وينا ترمخه د بلوچستان هرنائي ضلع شاهرګ سيمه کښې د کوئلې کان کښې کارکونکي مزدورانو ګاډي سره نيزدې بمي چاودنه شويده ۔
ليويز چارواکو وئيلي چې چاودنه کښې يوولس مزدوران پحق رسيدلي او شپږ نور ژوبل شويدي ،چاودنه کښې په موقع نهه مزدوران پحق رسيدلي وو ، او دوه مزدورانو هسپتال کښې ساه ورکړې ده ۔
شاهرګ چاودنه کښي پحق رسيدلو او ژوبل شوي مزدورانو تعلق د شانګله پورن کلي سره ښودلې کيږي ۔
د بلوچستان حکومت ترجمان شاهد رند د شاهرګ په پيښه افسوس څرګند کړے او زياته کړې ده چې د ژوبل مزدورانو علاج شاهرګ هسپتال کښې جاري دې ۔
ترجمان زياته کړې چې د چاودنې تحقيقاتو حکم ورکړے شوے ، ابتدائي تحقيقاتو مطابق د سړک په غاړه نصب چاوديدونکي موادو لوجې پيښه رامخې ته شويده ۔
