بنو هويد سيمه کښې وسله والو د پوليس خالي شوې چوکۍ په بمونو الوزولې، چې ورسره پوليس چوکۍ په مکمل توګه تباه شويده، بلخوا بکا خيل کښې نامعلومه وسله والو په ډزو يو سيکيورټي اهلکار شهيد او يو ژوبل شويدې ۔
بنو: ذرائعو مطابق هويد سيمه کښې ترهه ګر د پوليس چوکۍ په بم اولزولې ، چې ورسره دغه چوکۓ په مکمل توګه تباه شويده ۔
ذرائعو وئيلي چې نامعلومه وسله والو پوليس چوکۍ کښې بارودي مواد نصب کړي وو، د کوم لوجې چې په چوکۍ کښې درنه چاودنه شوې ده ۔
ذرائعو مخکښې وئيلي چې دغه چوکۍ د هويد تهاڼې حدود حسن خيل خيراکي سيمه کښې موجود وه او په دې وخت دا چوکۍ خالي کړې شوې وه ۔
د پيښې وروستو وسله وال تښتيدو کښې کامياب شوي دي، پوليس اهلکارانو ګڼ شمير کښې سيمه کښې سرچ آپریشن شروع کړيدې ۔
بلخوا د بنو بکا خيل سيمه کښې کنال روډ باندې نامعلومه وسله والو په سيکيورټي اهلکارانو ډزې کړي، چې پکښې يو اهلکار شهيد شوې او بل سخت ژوبل شويدې ۔
پوليس سرچينو ترمخه د ډزو نه پس نامعلومه ترهه ګر تښتيدلي او پوليس نورې پلټنې او د ترهه ګرو لټون شروع کړې دې ۔
