د ايشيا کپ دولسم او آخري ګروپ ميچ کښې بهارت په يويشت رنز عمان ته شکست ورکړې ، د بهارتي ټيم يو سل اتۀ اتيا رنز جواب کښې عمان ټيم مقرره اوورونو کښې څلور وکټو په زيان يو سل اووۀ شپيتۀ رنز جوړ کړي او ميچ ئې بيللې دې ۔
ابوظهبي کښې لوبيدلې د ايشيا کپ آخري ګروپ ميچ کښې بهارت ټاس ګټلو نه پس اول پخپله د بيټنګ فيصله کړې وه، بهارتي ټيم مقرره اوورنو کښې اتۀ وکټو په زيان يو سل اتۀ اتيا رنز جوړ کړي ۔
بهارت طرف نه سنجو سيمسن ټولو نه زيات شپږ پنځوس او ابهيشک شرما اتۀ ديرش رنز باندې آؤټ شوي وو، عمان طرف جيتن رامنندي او عامر کليم دوه، دوه وکټې اخستي دي ۔
د مقرره هدف په تعاقب کښې عمان ټيم مقرره اوورز کښې څلور وکټو په زيان يو سل اووه شپيتۀ رنز جوړ کړي او په يويشت رنز ئې ميچ بيللې دې ۔
د ايشيا کپ آخري راؤنډ ميچ نه پس سبا نه د سُپر فور مرحله شروع کيږي ، سُپر فور مرحلې ته د ايونټ ګروپ اے نه پاکستان او بهارت کوليفائي کړې، او د ګروپ بي نه سري لنکا او بنګله ديش سُپر فور ته رسيدلي دي ۔
