د تجارت وفاقي وزير جام کمال خان وئيلي دي امريکا د پاکستان تر ټولو لوئي تجارتي شراکت دار هېواد دے، د دواړو هېوادونو ترمينځه اړيكو ته پراختيا وركول غواړو ،د پاکستان زرعي برآمدات كښې آمونه او کھجورې مهم کردار لري ۔د دې خيالاتو څرګندونه ده د زيارت په ورځ د امريکې تجارتي استازس کيتھرين تائي سره ورچوئل ملاقات كښې وكړه۔ ملاقات كښې د پاکستان او امريکې ترمينځه په تجارتي اړيكو زياتولو د خيالاتو څرګندونه وشوه۔جام کمال ووئيل امريکا او پاکستان خپلو كښې قوي تجارتي شراکت داري لري،پاکستان دغه شراکت دارۍ ته پراختيا وركولو له خوښي لري۔ جام کمال د زراعت څانګي او په خاص توګه آم، خرمه او ويليو ايډډ زرعي خذمات زياتولو په اړه د خيالاتو څرګندونه وكړه۔دغسې کيتھرين تائي د پاکستان زرعي برآمدات او د پاکستان د آمونو معيار وستائلو۔دې مارکيټ كښې د زيات طلب ترمخه پاکستان كښې د امريکې بيف برآمدات د امکانات هم ذكر وكړو۔ ډلو په شريكو چارو د خيالاتو څرګندوني سره تجارتي اړيكو لا قوي كولو ته اتفاق وكړو۔د غونډي په مهال دې خبري ته صلاح راغله چې د ټريډ اينډ انويسټمنټ فريم ورك ايګريمنټ (ټيفا) غونډه به زر رابللې شي چې پكښې به په زراعت، ټيکسټائل، د ميرمنو خپلواكه كولو، آئي ټي او په اي کامرس خبري اتري كېږي ۔ په دې موقع د امريکې تجارتي نمائنده د تجارت وفاقي وزير له د تجارت نورو موقعو لټولو لپاره واشنګټن ته د تللو بلنه وركړه۔
