اسلام آباد: ترجمان دفترخارجه خپل يو بيان کښې وئيلي دي چې پاکستان کال دوه زره دري ويشتم کښې د غير قانوني غيرملکيانو د واپسۍ په منصوبه کار شروع کړي وو ۔
ترجمان مطابق پاکستان دسو لسيزو راهسې دافغان پناه ګزينو ډير په عزت او احترام سره ميلمستيا کړيده او د وسائل د کمي باوجود د افغان کډوالو تعليم او صحت لپاره ئې غوره سهوليات فراهم کړيدي ۔
د افغان ناظم الامور په بيان دخارجه دفتر ترجمان خپل ردعمل کښې وئيلي چې پاکستان کښې افغان کډوالو سره د بدسلوکۍ الزامات بے بنياده دي ۔
د خارجه دفتر ترجمان مخکښې وئيلي دي چې افغان مهاجرينو سره هيڅ قسمه بدسلوکي يا د هغوي د تنګولو هيڅ قسمه کوششونه نۀ کيږي ۔
ترجمان دفترخارجه دا هم وئيلي چې مونږ د افغانستان چارواکو سره د افغان مهاجرينو د باعزته واپسۍ لپاره مسلسل په رابطه کښې يو ۔
