د خېبر پښتونخوا ګورنر فيصل کريم کنډي وئيلي دي چې د علي امين ګنډاپور استعفیٰ ميلاؤ شوېده، د استعفیٰ منظوريدو پورې به علي امين ګنډا پور وزيراعلیٰ وي، د ګل په ورځ دفتر کهلاؤيدو وروستو د علي امين ګنډا پور په استعفیٰ فيصله کوؤم ۔
پيښور: ګورنر خېبرپښتونخوا ته د وزيراعلیٰ علي امين ګنډاپور د استعفیٰ ميلاويدو تصديق کړې او وئيلي دي چې ماسپخين دوه نيمې بجې راله دغه استعفیٰ ميلاؤ شوې ده ۔
فيصل کريم کنډي اووئيل چې دې لړ کښې استعفیٰ راوړونکي خصوصي مرستيال مصدق عباسي ته رسيد هم ورکړې شوې،دغه استعفیٰ باندې د يوولسم اکتوبر تاريخ درج دې ،د استعفې جاج اخستو او قانوني تقاضو وروستو به پرې د ګل په ورځ فيصله کوم ۔
د خېبر پښتونخوا ګورنر فيصل کريم کنډي اووئيل چې د علي امين ګنډا پور استعفیٰ لاس سره ليکلې ده،قانوني ټيم د دې جاج اخلي ۔
هغه اووئيل چې استعفیٰ منظورېدو پورې به علي امين ګنډا پور د خېبر پښتونخوا وزيراعلیٰ وي، ډي آئي خان کښې د علي امين ګنډا پور سره ملاقات هيڅ اراده نيشته دې ۔
څرګنده دې وي چې علي امين ګنډا پور د وزارت اعلیٰ نه مستعفې شوېدې، او پي ټي آئي لخوا د هځه په ځائې سهيل آفريدي د خېبر پښتونخوا وزيراعلې نامزد کړې شوېدې ۔
