کرمې ضلعې کښې تیرو څلورو میاشتو نه د مسافرو په ګاډو د ډزو او انښتو نه ورستو مین شاهراه په مکمله توګه بنده ده چې لوجې ئې پاړاچنار پشمول اپر کرم په ټولو سیمو کښې خوراکی مواد، دارو درمل او د ژوند ټول ضروري ځیزونه ختم شویدي، د دغې وجوهاتو لوجې د خلقو مشکلاتو کښې نور هم زیاتوالې راغلې دې ۔
یو دوه ځل د قافلو په شکل کښې خوراکي مواد راغلي خو د لکونو آبادۍ لپاره د نيشت برابر وو، تیره ورځ په اوویا ګاډو کښې یو ځل بیا خوراکي او نور مخلتف ضروري څیزونه پاړاچنار ته راوړلې شوي چې ورسره په نرخونو کښې هم کمې راغلې دې او د خلقو مشکلات هم ورسره په کمیدو دي او په بازارونو کښې لږ ډير رونق هم پیدا شویدې ۔
د سیمي خلق وائي چې خوراکي مواد راوړل د خوشالي خبره ده خو تیرو څلورو میاشتو راهسې نۀ پاړاچنار ته ډیزل او پیټرول نۀ دي راغلي ۔
ځائې خلقو مخکښې وئيلي چې حکومت ته پکار دي چي د ډیزلو او پیټرولو راوړلو لپاره دې هم ګامونه پورته کړي ۔
