اقوام متحده په پاکستان د ترهه ګرو حملو لپاره د افغانستان خاوره استعماليدو باندې د تشويش اظهار کړېدے،د متحده قامونو سالانه رپورټ ترمخه د پاکستان کالعدم تنظيم ټي ټي پي ته د پولې هغې طرف نه لاجسټک او مالي مرستې ملاويږي او دې ډلې په خوست،ننګرهار،کونړ او پکتيکا ولايتونو کښې نوي تربيتي مرکزونه قائم کړيدي ۔
د متحده قامونو د تجزياتي معاونت او بنديزونو نګراني کونکي ټيم خپل سالانه رپورټ کښې تصديق کړيدے چې په پاکستان د حملو منصوبه بندي د افغانستان په خاوره کيږي او د يوکال دوران د ترهه ګرۍ شپږ سوؤ نه سيوا حملې شويدي ۔
رپورټ کښې وئيلي شويدي چې افغانستان کښې دوه درځن نه سيوا ترهه ګر ډلې موجود دي کوم چې د افغانستان د استحکام سره سره د ګاونډي ملکونو لپاره هم لويه خطره ده ۔
رپورټ کښې زياته کړي شويده چې طالبانو حکومت داسې ماحول جوړ کړېدے چې پکښې القاعده،داعش او نور ترهه ګر ګروپونو له د منظم کيدو موقع په لاس راغلې ده ۔
