د خېبر پښتونخوا حکومت د پولیس او سي ټي ډي لپاره د پنځه ارب روپو نه زیات فنډز جاری کړې دې، د آئي جي پي ذوالفقار حمید وينا ده چې د پولیس او سي ټي ډي مضبوطولو او انفراسټرکچر ښۀ کولو باندې کار روان دی او د ترهه ګرۍ ناسور خاتمه به کولې شي ۔
د سنټرل پولیس آفس ترمخه رواں مالي کال دوران د پولیس د نھه جاري منصوبو لپاره یو ارب درې کروړه نه زیاتې روپي جاری کړی شوې دي ۔
سي پي او بيان کښې مخکښې وئيلي شوي چې د اے آئي پي سکیمونو لپاره څلور ارب شپږ ويشت کروړه روپۍ ورکړی شوې دي ۔
د سينټرل پوليس آفس مطابق مخصوص ضلعو کښې د پولیس د ټیکنیکل اپګریډیشن لپاره یو ارب، شپږ اتیا کروړه، د پولیس او سي ټي ډي انفراسټرکچر فیز ون او فیز ټو لپاره ځانله یو ارب 20 کروړه روپۍ، او د سي ټي ډي ضلعي سیټ اپ او پېښور ریجنل هیډکوارټر لپاره شپيته کروړه، اته څلوېښت لکه روپۍ جاری کړی شوې دي ۔
