شانګله کښې د یو مزدور د کور چهت راپریوتو پيښه کښې شپږ ماشومان پحق رسيدلي دي، پحق رسيدلي ماشومانو کښې پنځه ماشومانې او یو ماشوم شامل دي، بلخوا سوات کښې هم د يو کور چهت غورځيدو پيښۀ رامخې ته شوې چې پکښې دوه ماشومانې پحق رسيدلي، مور او لور پکښې ژوبل شويدي ۔
شانګله: تفصيلاتو ترمخه تحصيل الپوري په سيمه باسي رحيم آباد کښې د جهان بشير نومي يو غريب سړي د کور چهت راغورځيدلې دې ۔
د کچه کوټې چهت راپريوتو لوجې اووۀ ماشومان د ملبې لاندې راغلي وو چې پکښې شپږ ماشومان پحق رسيدلي او يو ماشوم ژوبل شوې دې ۔
ريسکيو ټيم او مقامي خلقو په شريکه پحق رسيدلي ماشومانو مړي د ملبې نه راويستي دي او نيزدې هسپتال ته ئې منتقل کړي دي ۔
د سيمي د خلقو مطابق پحق رسيدلي ماشومانو پلار د کوئلي مزدور وو او هغه هم څه موده مخکښې پحق رسيدلې وو ۔
بلخوا د سوات په چارباغ ګنډهيرۍ سيمه کېښ هم د يو کور چهت راپريتې، پيښه کښې دوه ماشومانې پحق رسيدلي، د دوي مور او لور ژوبل شوي هم دي ۔
پيښه کښې ژوبل شوي پلار او لور ټي ايچ کيو هسپتال منګلور ته منتقل کړې شويدي ۔
