وزيراعظم شهبازشريف د امريکې او ايران ترمينځ پنځلس ورځو لپاره د جنګ بندۍ هرکلې کړې، او دواړه فريق شکريه ئې هم ادا کړېدۀ، وزيراعظم امريکې او د ايران وفود ته مذاکراتو لپاره اسلام آباد ته په لسم اپريل د راتلو بلنه هم ورکړېده، پنځلس ورځو لپاره د جنګ اعلان نه پس د امريکې او ايران ترمينځ به مذاکرات سرښار اسلام آباد کښې د راتلونکي جمعې په ورځ کيږي ۔
د امريکې او ايران ترمينځ جنګ بندې باندې وزيراعظم شهبازشريف د دواړو ملکونو شکريه ادا کړې او هغوي ته ئې په لسم اپريل اسلام آباد مذاکراتو لپاره باقاعده بلنه هم ورکړيده ۔
وزيراعظم شهبازشريف خپل بيان کښې د جنګ بندۍ هرکلې هم کړې او طمع ئې څرګند کړې چې فريقين ترمينځ به اسلام آباد کښې مستقل جنګ بندۍ په حواله حتمي لوظنامه هم اوشي ۔
وزيراعظم مخکښې وئيلي چې فريقينو د قابلِ ذکر حکمت او پوهې نه کار اخستې او جنګ بندۍ باندې متفق شويدي ۔
وزيراعظم زياته کړې چې اسلام آباد کښې د جمعې په ورځ کيدونکي مذاکرات به د پائيدار امن قيام ترلاسه کولو لپاره کاميابيږي ، او دا چې پاکستان نور هم مثبت کردار ادا کولو ته تيار دې ۔
د وزيراعظم شهبازشريف ، وزير خارجه اسحاق ډار او فيلډ مارشل عاصم منير په سفارتي کوششونو سرښار اسلام آباد د نړيوال سفارتکارۍ مرکز جوړ شويدې ۔
پنځلس ورځو لپاره د جنګ اعلان نه پس د امريکې او ايران ترمينځ به مذاکرات سرښار اسلام آباد کښې د راتلونکي جمعې په ورځ کيږي ۔
پاکستان به د امريکې او ايران ترمينځ کيدونکې مذاکراتو کښې د ثالثۍ کردار ادا کوي ، د ايران نيشنل سپريم کونسل تصديق کړې چې امريکې سره به اسلام آباد کښې په لسم اپريل يعنې د جمعې په ورځ مذاکرات شروع کيږې ۔
ايراني سپريم کونسل وئيلي چې اسلام آباد کښې به مذاکرات پنځلس ورځو پورې جاري پاتې کيديشي ، د دې مذاکراتو مقصد امريکې سره حتمي لوظنامه کول دي ۔
ايراني چارواکو مطابق د جنګ بندۍ د کاميابۍ نه پس د مذاکراتو مقصد حتمي معاهدې ته حتمي شکل ورکول دي ، کۀ چرې دواړه فريق متفق شو نو اسلام آباد کښې د مذاکراتو لړۍ نوره هم سيوا کيديشي ۔
بلخوا عرب ميډيا وئيلي چې د ايران او امريکې ترمينځ مذاکراتو لپاره اسلام آباد خوښ کړې شويدې، او طمع ده چې مذاکراتو دوران د امريکې او ايران ترمينځ حتمي معاهده هم اوشي ۔
