د خېبر پښتونخوا مختلفو ضلعو کښې د اوسنو بارانونو لوجې پنځه څلوېښت کسان پحق رسيدلي او يو سل پنځه ژوبل شويدي، د بارانونو لوجې څلور سوه ،دوه څلويښت کورونو ته زيان هم رسيدلې دې ۔
پي ډي ايم اے خېبر پښتونخوا د صوبې مختلفو سيمو کښې د بارانونو جاري لړۍ دوران د ځاني او مالي نقصاناتو تازه رپورټ جاري کړېدې ۔
رپورټ کښې وئيلي شوي چې د پنځه ويشتم مارچ نه تراوسه پورې د بارانونو لوجې د صوبې مختلفو ضلعو کښې پنځه څلوېښت کسان پحق رسيدلي او يو سل، پنځه ژوبل شويدي ۔
پي ډې ايم اے خپل رپورټ کښې وئيلي چې پحق رسيدلي او ژوبل کسانو کښې ماشومان او زنانه هم شاملې دي ۔
د بارانونو لوجې تراوسه پورې په مجموعي توګه څلور سوه، دوه څلوېښت کورونو ته زيان رسيدلې چې په هغو کښې درې سوه، دوه اتيا کورونه په جزوي توګه او شپيتۀ په مکمله توګه تباه شويدي ۔
پي ډي ايم اے وينا ده چي ريسکيو ون ون ټو ټو،ضلعي انتظامیو او نورو متعلقه ادارو امدادي سرګرميانې شروع کړې او د پي ډي ايم اے لخوا متاثره ضلعو ته امدادي سامان هم ليږلې شويدې ۔
رپورټ کښې مخکښې وئيلي شوي چې د صوبې مختلفو سيمو کښې شپږ نه تر نهم اپريل پورې د نور بارانونو شروع کيدو امکان دې ۔
