حکومت د پټرولو او ډيزلو په قيمتونو کښې لوئې اضافې اعلان کړې، پټرولو في ليټر قيمت کښې يوسل اووۀ ديرش روپۍ درې ويشت پيسې اضافې سره نوې قيمت څلور سوه اتۀ پنځوس روپۍ څلويښت پيسې في ليټر مقرر شوې، ډيزل هم في ليټر يوسل څلور اتيا روپۍ نهه څلويښت پيسې ګران شوي، چې ورسره د ډيزلو نوې قيمت پينځۀ سوه شل روپۍ پينځه دېرش پيسې في ليټر ته رسېدلې، حکومت موټرسائيکل چلونکو او انټر سټي پبلک ټرانسپورټ ته درې مياشتو سبسډي ورکولو اعلان هم کړې ۔
اسلام آباد: وزير پټروليم علي پرويز ملک او وزير خزانه محمد اورنګزيب مشترکه پريس کانفرنس کښې د پټروليم مصنوعاتو په قيمتونو کښې لوئې اضافې اعلان کړېدې ۔
وزير پټروليم اووئيل چې پټرولو في لټر قيمت کښې يوسل اووۀ ديرش روپۍ درې ويشت پيسې في ليټر اضافه کړې شوېده، د پټرولو نوې قيمت څلور سوه اتۀ پنځوس روپۍ څلويښت پيسې في ليټر مقرر کړې شوېدې ۔
هغۀ اووئيل چې ډيزلو قيمت کښې هم يوسل څلور اتيا روپۍ نهه څلويښت پيسې في ليټر اضافې وروستو نوې قيمت پينځۀ سوه شل روپۍ پينځۀ ديرش پيسې مقرر کړې شوېدې، د پيټرولو نوې قيمتونه نن څخه عملي کړې شويدي ۔
خزانے وزير محمد اورنګزيب اوئيل چې هرې مياشتې به شل ليټر پټرولو باندې موټرسائيکل لپاره سل روپۍ في ليټر سبسډي ورکولې شي ۔
محمد اورنګزيب انټر سټي پبلک ټرانسپورټ ته به هم په ډيزلو في ليټر سل روپۍ سبسډي ورکولي شي، ټرک او ګډز ټرانسپورټ ته فيول باندې اوويا زره روپې ماهانه سبسډي ورکولي شي ۔
