د ټي ټوينټي ورلډ کپ ټولو اهم ګروپ ميچ سبا د پاکستان او بهارت ترمينځ لوبيږي، ميچ به پاکستاني وخت مطابق ما ښام شپږ نيمې بجې د سري لنکا کولمبو سټيډېم کښې شروع کيږي، د قامي ټيم کپتان سلمان علي آغا وئيلي چې پاکستان لپاره سباني ميچ لپاره طارق عثمان ټرمپ کارډ دې، د يو لوئې ليول ميچ دې، لوبغاړو ته ته بهترين کارکردګي ښودل وي ۔
سري لنکا او بهارت کښې جاري د ټي ټوينټي ورلډ کپ اهم ترمين ميچ کښې سبا د پاکستان او روايتي حريف بهارت ترمينځ مقابله ده ۔
ميچ به د پاکستان وخت مطابق ماښام شپږ نيمې د سري لنکا په کولمبو سټيډيم کښې شروع کيږي ۔ ميچ نه وړاندې دواړو ټيمونو لوبغاړو دغه ګراؤنډ کښې بهرپور پريکټس هم کړېدې ۔
بلخوا د قامي ټيم کپتان سلمان علي آغا کولمبو کښې خبري کانفرنس کړې او وئيلي دي چې سبانې ميچ د ميګا ايونټ يو لوئې او اهم ميچ دې ۔
سلمان علي آغا اووئيل چې لوبغاړو تياري کړې، او مونږ ته به خپله بهترين کاکردګي ښودل وي ۔
د قامي ټيم کپتان مخکښې اووئيل چې لوبغاړي د سري لنکا کنډيشنز باندې پوهه دي، د پچ هم ورته علم دې، د باران په حواله هيڅ نۀ شو وئيلې، که اوورز کم کړې شو ، نو مونږ سره د هغې پلان هم موجود دې ۔
سلمان آغا دا هم اووئيل چې ورلډ کپ ميچونوکښې بهارت خلاف زمونږ ريکارډ ښۀ نۀ دې، ولې مونږ تاريخ نه زده کړۀ کړېده، د انډيا ټول پليئنګ اليون لپاره مو پلان تيار کړېدې ، مونږ ته به ميدان کښې ښۀ کرکټ لوبول وي ۔
