بنګلاديش کښې د دوه سوه نهه نوي نشستونو باندې قامي انتخابات سر ته رسيدلي، بي اين پي او جماعت اسلامي ترمينځه سخته مقابله شوې، غير سرکاري او غيرحتمي نتيجو مطابق د بنګلاديش نيشنلسټ پارټي دو تهائي اکثريت ترلاسه کړې، ولې جماعت اسلامي په دوئم نمبر راغلې ۔ په دې موقع د سيکيورټي کوټلي ګامونه پورته کړې شوي وو ۔
ډهاکه: بنګلاديش ميډيا ترمخه د طلبا تحريک په نتيجه کښې د حسينه واجد اوږد آمرانه دور خاتمے وروستو بنګلاديش کښې قامي انتخابات سر ته رسېدلي دي ۔
تر دې دمه غير سرکاري او غير حتمي نتيجو مطابق د خالده ضيا جماعت بنګلاديش نيشنلسټ پارټۍ ته دوه سوه دولس پورې سيټونو باندې کاميابي ترلاسه کړې ، ولې جماعت اسلامي اوويا نشستونو سره په دوئم نمبر راغلې ده ۔
د خالده ضيا مړيني نه پس د بنګلاديش نيشنلسټ پارټۍ مشري د هغې ځوي طارق رحمان کوي ۔
د بنګله ديش ميډيا مطابق انتخابات په مجموعي توګه پرامنه او شفاف شويدې، په دې موقع د سيکيورټي سخت انتظامات شوي دي ۔
بنګلاديش اليکشن کميشن اولس نه د امن، خوشحالي او مسلسل ترقې لپاره خصوصي دعاګانو غوښتلو اپيل کړېدې ۔
د بنګلاديش پارليمنټ صرف په يو ايوان مشتمل دې کوم ته چې جاتيا سنګسد وئيل کيږي او د دې په مجموعي توګه درې سوه پنځوس ارکان وي، چې پکښې درې سوه نيغ په نيغه د انتخابات د لارې منتخب کيږي ولې پاتې پنځوس نشستونه د زنانه لپاره مخصوص دي ۔
