وزيراعظم شهبازشريف اسلام آباد کښې د خودکش حملې نه متاثره امام بارګاه دوره کړي او په دې موقع ئې د شهيدانو خپل خپلوانو سره ملاقات هم کړې، وزيراعظم عون عباس نومي کس اهلخانه لپاره د يو کروړ او د شهدا اهل خانه ته د پنځوس ، پنځوس لکه روپو مالي امداد اعلان هم کړې، وزيراعظم وئيلي چې د ترهه ګرو يو مذهب هم نيشته، د شهيدانو وينې به رنګ راوړي او ملک نه به ترهه ګري په مکمله توګه ختمولې شي ۔
اسلام آباد: وزيراعظم شهبازشريف ترلائي کښې د امام بارګاه خديجته الکبریٰ ته ورغلې او د شهداؤ خپلوانو او متاثرينو سره ئې ملاقات کړېدې ۔
وزيراعظم اووئيل چې اسلام آباد سانحه باندې ټول قام خفه دې، د دغه بدترين بربريت مثال نۀ ميلاويږي، پيښه د تفريق پيدا کولو مذموم کوشش وو ۔
هغه اووئيل چې بهادر ځوان عون عباس خودکش بمبار اودرولو کوشش کړې، د عون عباس قرباني به قام ياد ساتي،ترهه ګرۍ چې څومره غندنه اوکړو کمه ده، مسلمانانو کښې تفريق پيدا کولو ناپاک کوشش ناکامه کړې شوېدې، د شهداؤ قربانۍ به هميشه ياد ساتلې شي ۔
وزيراعظم اووئيل چې د عون عباس اعلې درجے قرباني ده، وزيراعظم د عوان عباس ورثاؤ لپاره يو کروړ روپې او د حملې نورو شهيدانو لپاره پنځوس، پنځوس لکه روپې مالي امداد اعلان کړېدې ۔
په دې موقع وزيراعظم ته آئي جي د اسلام آباد ترهه ګرۍ پيښې په اړه تفتيش پرمختګ په اړه بريفنګ هم ورکړېدې، وزيراعظم د شهداؤ درجاتو لپاره فاتحه خواني هم کړېده ۔
