ګورنر فيصل کريم کنډي وئيلي دي چې باني پي ټي آئي به خپله سزا پورا کوي، اين آر او به ورته چرې هم نۀ ميلاويږي، کۀ چرې پي ټي آئي سره مذاکرات کيږې نو د پارټۍ بانې په رهائۍ به بالکل خبره نۀ کيږي ۔
پيښور کښې يو شخصي ټي وي سره خبرو کښې د خېبر پښتونخوا ګورنر فيصل کريم کنډي وئيلي دي چې پي ټي آئي هميشه مذاکرات خراب کړېدي ۔
فيصل کريم کنډي اووئيل چې پي ټي آئي سره کله هم مذاکرات کيږي نو د باني پي ټي آئي د خوشې کيدو په معامله به چرې خبرې نۀ کيږي ۔
ګورنر مخکښې اووئيل چې د وفاقي حکومت او پي ټي آۍي ترمينځ مذاکراتو په حواله پيپلز پارټۍ سره تردې دمه هيڅ خبره نۀ ده شوې، کۀ چرې داسې څه خبره وه نو چيئرمين بلاول بهټو به دې لړ کښې بيان مخې ته راغلې وو ۔
فيصل کريم کنډې اووئيل چې پي ټي آئي باندې اعتماد نشي کيدې ، دوي تير وختونو کښې ئې هم مذاکرات تاله ترغه کړيدي، باني پي ټي آئي به خپله سزا پورا کوي او چرې به ورته هم اين آر او نۀ ميلاويږي ۔
ګورنر خيبر پښتونخوا زياته کړې چې پي ټي آئي د يو کس لپاره صوبه تباه کړې ، پي ټي آئي ته پکار دي چې په صوبه هم توجه ورکړي ،مونږ د شپاړس مياشتو په حکومت کښې اتحاديانو سره په شريکه پي ټي آئي مذاکراتو لپاره کښينولې وه ، ولې دې نه پس بيا دوه په نهمه مئي ټول ملک کښې ادارو باندې باندې حملې کړې وې ۔
