وفاقي حکومت ګورنر فيصل کريم کنډي ته خېبر پښتونخوا کښې امنيت لپاره د مکمل مرستو يقين دهاني کړېده، دې لړ کښې داخله وزير محسن نقوي سره د خېبر پښتونخوا ګورنر فيصل کريم کنډي ملاقات کړې چې پکښې د صوبې امن و امان ،پاک افغان پولو سيکيورټۍ او ترهه ګرو خلاف روان آپريشن په معاملو خبرې شويدي ۔
اسلام آباد: ګورنر خېبر پښتونخوا فيصل کريم کنډي د داخله چارو وفاقي وزير محسن نقوي سره اهم ملاقات کړې، چې پکښې د صوبې امن و امان ، پاک افغان پولو پشمول نورو اهمو چارو باندې د خيالاتو بدلون شويدې ۔
ګورنر فيصل کريم کنډي خېبرپښتونخوا ته راپيښ سيکيورټي چيلنجونو نه داخله وزير خبر کړېدے، په دې موقع محسن نقوي وئيلي چې خېبر پښتونخوا کښې امن بحال ساتل د وفاقي حکومت وړومبې ترجيح ده ۔
داخله وزير محسن نقوي د خېبرپښتونخوا ګورنر ته يقين دهاني ورکړې چې وفاقي حکومت به دې سلسله کښې د صوبائي حکومت مرستې جاري ساتي ۔
وزير داخله وئيلي چې ترهه ګرو او د هغوي سهولت کارو خلاف د مشترکه حکمت عملۍ لاندې کاروائيانې جاري دي، ترهه ګرو او د دوي سهولت کارو سره به هيڅ نرمي نۀ کيږي ۔
په دې موقع د خېبر پښتونخوا ګورنر فيصل کريم کنډي اووئيل چې د صوبې امن لپاره د وفاق او صوبې ترمينځ تعاؤن او د ترهه ګرۍ مکمل خاتمې لپاره د مشترکه اقدامات سخت ضرورت دې ۔
