د لاهور ترهه ګرۍ مخنيوي عدالت نهمې مئي حملوکيس کښې د پي ټي آئي مشرانو ډاکټر ياسمين، اعجاز چودهري، محمود الرشيداو عمر چيمه ته لس، لس کاله قيد سزا اورولې ده، عدالت د دغه حملو په يو کيس کښې شاه محمود قريشي بري کړېدې، فيصلې مطابق د يويشت ګواهانو بيانات ريکارډ کړې شوي وو، او شپږ پنځوس ګواهان عدالت کښې پيش شوي وو ۔
د لاهور ترهه ګرۍ مخنيوي عدالت کوټ لکپپت جيل کښې محفوظ فيصله اورولې، چې پکښې د پي ټي آئي پنجاب مشرانو ته سزاګانې اورولې شويدي ۔
عدالتي فيصلې مطابق ډاکټر ياسمين، اعجاز چودهري، محمود الرشيد او عمر چيمه ته لس، لس کاله قيد سزا اورولې شويده ۔
عدالت د نهمې مئي يو کيس کلب چوک جي او آر ګيټ حمله کښې پي ټي آئي رهنما شاه محمود قريشي برې کولو حکم هم کړيدې ۔
د اے ټي سي جج منظر علي ګل خپله فيصله کښې وئيلي چې د مقدمې ټرائل دوران د ډاکټر ياسمين راشد پشمول د يويشت ملزمانو بيانونه قلمبند کړې شوي وو، او پراسيکيوشن لخوا عدالت کښې شپږ پنځوس ګواهان پيش شوي وو ۔
فيصلې ترمخه دې کيس کښې شاه محمود قريشي پشمول په مجموعي توګه ديارلس ملزمان خوشې کړې شوي، او اتۀ ملزمانو ته سزا اورولې شويده ۔
نهمې مئي کيس کښې د لاهور ترهه ګرۍ مخنيوي عدالت لخوا د پي ټي آئي مشرانو ته دغه سزاګانې سرکاري املاک ته نقصان رسولو او خلق راپارولو په تور کښې ورکړې شويدي ۔
دا سزا اشاره کوي چې په نهمه مئي کومې حملې شوې وې، د هغې پشا سهولت کار او اشتعال انګيزۍ باندې راپارونکي د پارټې قيادت خلاف هم کاروائيانې شروع شويدي ۔
تير کال په اوومه مئي دې لړ کښې ډي جي آئي ايس پي آر هم وئيلي وو چې د دغه حملو ټول ذمه وارو او سهولت کارو ته دې سزا ورکړې شي ۔
