انډر نائنټين ايشيا کپ سيمي فائنل کښې پاکستان په په اتۀ وکټو بنګله ديش ته ماتې ورکړې،او فائنل ته ئې کواليفائي کړيده، د بنګله ديش يوسل، دوه ويشت رنز هدف قامي ټيم دوه وکټو په زيان پورا کړې او د ايونټ فائنل ته رسيدلې دې ،شاندار بولنګ باندې عبدالسبحان د ميچ بهترين لوبغاړې ګرځولې شويدې،بلخوا بهارت د ايونټ اولني سيمي فائنل کښې سري لنکا ته شکست ورکړې او فائنل ته ئې کواليفائي کړې، د ايونټ فائنل کښې به اتوار په ورځ د پاکستان او بهارت ترمينځ مقابله وي ۔
دبئي کښې لوبيدلې د انډر نائنټين ايشيا کپ سيمي فائنل کښې پاکستان ټاس ګټلې وو او بنګله ديش ته ئې د بيټنګ بلنه ورکړې وه ۔
دا ميچ اووۀ ويشت اوورز پورې محدود کړې شوې وو، بنګله ديش آخري اوور کښې يو سل ، يويشت رنز باندې آؤټ شوې وو، چې پکښې ټولو نه زيات سمون بشير دري ديرش او عزيز الحکيم شل رنز جوړ کړي وو ۔
پاکستان طرف نه عبدالسبحان څلور حذيفه احسن دوه، علي رضا، محمد صيام او احمد حسين يو، يو وکټ په خپل نوم کړې وه ۔
قامي ټيم مقرره هدف قامي انډر نائنټين ټيم اوولسم اوور کښې دوه وکټو په زيان پورا کړې او ميچ ګټلو سره د ايونټ فائنل ته ئې کواليفائي کړېده ۔
پاکستان طرف نه سمير منهاس شاندار بيټنګ کړې او په نهه شپيتۀ او احمد حسين په يوولس رنز ناقابل شکست پاتې شويدي، عثمان خان په اووۀ ويشت او حمزه ظهور په صفر آؤټ شويدې ۔
شاندار بولنګ باندې د قامي ټيم بولر عبدالسبحان ته د ميچ د بهترين لوبغاړي انعام ورکړې شوې دې ۔
دې نه وړاندې اولني سيمي فائنل کښې بهارت په اتۀ وکټو سري لنکا ته شکست ورکړې او د ايونټ فائنل ته رسيدلې دې ۔
فائنل کښې به د پاکستان مقابله بهارت سره وي، او د ايونټ فائنل به اتوار په ورځ دبئي کښې لوبيږي ۔
